المعزون في عاشوراء ينتقدون شراء اجهزة السونار الفاسدة وبفضحون التحالف الوهابي البعثي +نص الردات العاشورائية

انتقدت مواكب العزاء العاشورائية لليوم الثاني في كربلاء شراء اجهزة السونار وطالب المعزون بتقديم المتورطين بشراء الاجهزة الفاسدة الى المحاكم فيما اتهم المعزون التحالف الوهابي البعثي بقتل الابرياء من العراقيين ونقل مراسل وكالة نون الخبرية ان المراسيم العاشورائية قد انطلقت مساء الاربعاء في شوارع كربلاء وتشمل كافة اطراف المدينة القديمة حيث ردد المعزون في موكب عزاء العباسية شعارات منددة فصفقة السونار الفاسدة التي يستخدمها منتسبو الداخلية في نقاط التفتيش من سنوات وطالب المعزون بتقديم المتورطين بشراء هذه الاجهزة الفاسدةا الى المحاكم المختصة لينالوا جزائهم العادل " واضاف مراسلنا كما انتقد المعزون ايضا التحالف الوهابي البعثي الذي يقوم بقتل الشعب العراقي من خلال التفخيخ والتفجير بواسطة السيارات المفخخة " وفيما يلي كلمات الردات التي انطلقت مساء الاربعاء 6/11/2013 اسم حسين يجري بنص شرياني بحد الموت نوره هز وجداني ياآية واسمى الايات ياراية واعلى الرايات هايحسين صوت الشعب ينادي *********************** نظل للموت نحجيهه ومنبالي لجل حسين يرخص دمنه الغالي بسمك تعلى صرختنه ونسولفلك حالتنه هايحسين صوت الشعب ينادي *********************** يابو الخير يا شعبي عنوانك ونار البيك كلها من جيرانك احجيهه ولا تتردد منهو لقتلك يتعمد هايحسين صوت الشعب ينادي *********************** ننخه الجيش خل يفتح عيونه وضد شعبه الصابر ليخلونه يحرس انريد حدوده والشعب رباه اجنوده هايحسين صوت الشعب ينادي ************************ واحد دوم ياشعبنه انريدك ايد بايد غيره مايفيدك الف حساب يحسبولك ولي اتريده يسوولك هايحسين صوت الشعب ينادي *********************** شفنه ظيم مامر على العالم وماظل شي بهذا الوطن سالم ماعدهم كلب المحروك متحزمين اعله البوك هايحسين صوت الشعب ينادي *********************** تالي شلون ويه الوهابيه غدارين تساندهم بعثيه غايتهم نسبح بالدم حتى الشعب يتألم هايحسين صوت الشهب ينادي ************************ صوت الناس المن يشكي الحاله بالسونار ضيعتوا امواله هالصفقه لا تخفيهه نريد المتورط بيهه هايحسين صوت الشعب ينادي ************************ نظل للموت نحجي وعيب انجامل هذا الصوت صوت الشعب العادل احنه اولاد الحريه ابطال الشعبانيه هايحسين صوت الشعب ينادي وكالة نون خاص